क्याष्ट्रोल ब्राण्डको नयाँ लुब्रिकेण्ट बजार |

काठमाडौं (आपास) । क्याष्ट्रोल लुब्रिकेण्टको आधिकारिक विक्रेता नेपाल ओभरसिज ट्रेडिङ कन्सर्नले नेपाली बजारमा नयाँ लुब्रिकेण्ट सार्वजनिक गरेको छ । कम्पनीले क्याष्ट्रोल भेक्टन लुब्रिकेण्ट नामको लुब्रिकेण्ट बिहीवार नेपाली बजारमा सार्वजनिक गरेको हो । क्याष्ट्रोलका कण्ट्री म्यानेजर पञ्चानन राउतलगायतले उक्त लुब्रिकेण्ट सार्वजनिक गरेका हुन् ।
कम्पनीले ग्राहकको आवश्यकता र मागअनुसार नयाँ लुब्रिकेण्ट नेपाली बजारमा ल्याएको जानकारी दिएको छ । उक्त नयाँ लुब्रिकेण्टले सवारीसाधनको इञ्जिनमा आउने विभिन्न प्रकारका समस्याको सामना गर्दै सवारीको ३० प्रतिशत अधिकतम कार्यक्षमता बढाइदिने कम्पनीले जानकारी दिएको छ ।