जोन्टा क्लब अफ काठमाडौँको लैङ्गिक हिंसा विरुद्ध वाकाथन

जोन्टा क्लब अफ काठमाडौँको लैङ्गिक हिंसा विरुद्ध वाकाथन

काठमाडौं । जोन्टा क्लब अफ काठमाडौँले आज महिला तथा बालिकामाथि हुने हिंसा अन्त्यका लागि सक्रियता प्रवर्द्धन गर्न वाकाथन आयोजना गरेको छ । दरबारमार्गबाट सुरु भएको वाकाथनमा पाँच सयभन्दा बढी सहभागीहरू वसन्तपुर दरबार स्क्वायरतर्फ हिँडेर लैङ्गिक हिंसाविरुद्धको सशक्त सन्देशसहितको सडक नाटकको समापन भएको थियो ।

वाकाथन संयुक्त राष्ट्र संघको लैङ्गिक हिंसाविरुद्धको १६ दिने सक्रियता २५ नोभेम्बर देखि १० डिसेम्बर २०२२ सम्म मनाइने छ। यो वर्ष, संयुक्त राष्ट्र संघले १६ दिने 'एकता ! महिला र केटीहरूविरुद्ध हिंसा अन्त्य गर्न' पहल गर्नेछ ।

'१६ दिने सक्रियताले हामीलाई एकताबद्ध हुन र लैङ्गिक हिंसाविरुद्ध आवाज उठाउने मञ्च दिन्छ । जीवनका सबै क्षेत्रका महिलाहरूले दुव्र्यवहारको सिकारको ठूलो हिस्सा बन्न बाध्य भएका छन् । आगामी १६ दिनमा यस वाकाथन र अन्य कार्यक्रमहरूमार्फत, हामी यस विषयमा सतर्कता सिर्जना गर्ने र घरेलु हिंसाबाट बचेकाहरूलाई समर्थन गर्ने, लैङ्गिक हिंसा अन्त्य गर्न काम गर्ने, कार्यकर्ताहरूलाई एकताबद्ध गर्ने र महिला अधिकार आन्दोलनको लागि एकता सिर्जना गर्ने कुरामा प्रकाश पार्ने र्छौं, 'आभा शाहले भनिन् । शाह जोन्टा क्लब अफ काठमाडौँकी अध्यक्ष हुन् ।

'लैङ्गिक हिंसा एक गम्भीर मानवअधिकार उल्लङ्घन हो जसले महिलाको कल्याण र उत्पादनशील जीवन जिउने क्षमतालाई असर गर्छ । यसले तिनीहरूको परिवारलाई पनि असर गर्छ र उत्पादकतामा कमी र जीविकोपार्जनका अवसरहरू सहित ठूलो प्रभाव पार्छ। प्रत्येक महिलालाई हिंसामुक्त जीवन जिउने अधिकार छ । यस वाकाथनको माध्यमबाट जोन्टा क्लबले प्रभावकारी रुपमा सञ्चारमाध्यम र युवाहरूलाई लैङ्गिक हिंसा विरुद्ध आवाज उठाउन आह्वान गरेको छ,' जोन्टा इन्टरनेशनल, जिल्ला २५ का गभर्नर सृजना राणाले बताइन् ।
 
जोन्टाले १६ दिने अभियान अवधिमा क्यूएफएक्स सिनेमाघरहरूमा प्ले भइरहेका चार छोटो फिल्महरू देखाइरहेको छ। 'यी छोटो फिल्महरूले हिंसा/उत्पीडन र बालविवाह कहिले पनि ठीक हुँदैन भन्ने महत्त्वपूर्ण सन्देश दिन्छ - एक पटक पनि होइन, कहिले पनि होइन र बोल्नैपर्छ,' जोन्टा क्लब अफ काठमाडौँ महिला हिंसाविरुद्धको १६ दिने अभियानकी अध्यक्ष विदुषी राणाले भनिन् ।' हामी आशा गर्छौं, भिडियोहरूले पीडितहरूलाई मद्दत खोज्न प्रोत्साहित गर्नेछ र उनीहरूलाई सुरक्षित रूपमा कल गर्न र बोल्न सक्ने हेल्पलाइन विकल्पहरूको बारेमा जानकारी गराउनेछ ।'
 
यसै पहल अन्तर्गत, जोन्टाले काठमाडौँ र आसपासका विद्यालय र सार्वजनिक स्थानहरूमा सडक नाटकहरूको शृङ्खला र छलफलहरू आयोजना गर्नेछ । वाकाथनको नेतृत्वमा, जोन्टाले लैङ्गिक-आधारित हिंसा विरुद्ध वकालत गर्न र बोल्ने महत्त्वको बारेमा सचेतना जगाउन पनि जुट्ने छ। । यी क्लिपहरू सामाजिक सञ्जालमा व्यापक रूपमा भाइरल भइरहेका छन्।
 
कुमारी बैंक, जेजीआई फाउन्डेसन, लक्ष्मी बैंक, केटीएम सिटी, लिबर्ड, वेल्ट हङ्गर हचलाइफ, जर्मन कोअपरेसन र एकवा हन्ड्रेडको सहयोगमा वाकाथन आयोजना गरिएको हो ।
 
जोन्टा इन्टरनेशनलले सेवा र वकालत मार्फत विश्वव्यापी महिलाहरूलाई सशक्तिकरण गर्ने अग्रणी विश्वव्यापी संगठन हो।जोन्टा इन्टरनेशनलको भातृ संगठन जोन्टा क्लब अफ काठमाडौं २०१२ मा स्थापना भएको थियो । यो काठमाडौंमा दर्ता भएको एनजीओ हो र यसले अर्थतन्त्र, शिक्षा, स्वास्थ्य, र सम्बन्धित मुद्दाहरूमा सुधार गर्ने उद्देश्यका साथ महिलाहरूको स्थितिको विकासमा काम गरिरहेको छ। सेवा र वकालत मार्फत स्थानीय र राष्ट्रिय स्तरमा युवा र महिला विरुद्ध हिंसामा काम गरिरहेको छ ।

 

 

No comment yet. Be the first one to comment.