नबिल इन्भेष्टमेन्ट बैंकिङद्वारा लगानी व्यवस्थापन सेवा संचालनमा

नबिल इन्भेष्टमेन्ट बैंकिङद्वारा लगानी व्यवस्थापन सेवा  संचालनमा

काठमाडौं । नबिल इन्भेष्टमेण्ट बैंकिङले लगानी व्यवस्थापन सेवा  संचालनमा ल्याएको छ । शेयर बजारमा प्रवेश गर्न चाहना तर लगानी सम्बन्धी उचित जानकारी नभएका कारणले लगानी गर्न असमर्थ लगानीकर्ताहरुलाई लक्षित गरी मिश्रित लगानी व्यवस्थापन सेवा  संचालनमा ल्याइएको कम्पनीको भनाइ छ ।  

लगानीका बिभिन्न उपकरणहरु मार्फत लगानी गरिने यो लगानी व्यवस्थापन सेवाबाट लगानीकर्ताहरूले हाल बजारमा देखिएको उतारचढावका कारण व्यहोर्नुपरेको क्षतिलाई केही हदसम्म सन्तुलनमा ल्याउने र भविष्यमा यसरी सन्तुलित लगानीबाट राम्रो प्रतिफल आर्जन गर्न सक्ने कम्पनीले जनाएको छ ।

सन्तुलित लगानी उच्चतम आम्दानी हुनसक्ने यस व्यवस्थापन सेवामा प्रवेश गर्न चाहने लगानीकर्ताहरुको रकम लगानीका विभिन्न उपकरणहरु जस्तै म्यचुअल फण्ड, बण्ड-डिबेन्चर, इक्विटी, आईपीओ तथा निश्चित प्रतिफल उपकरणहरूमा लगानी गर्ने र भैपरी आउने लगानीका लागि नगदको व्यवस्थापन समेत गर्ने रहेको कम्पनीले जनाएको छ । 

यसमा प्रवेश गर्न चाहने लगानीकर्ताहरूले न्यूनतम २५ लाख रुपैयाँ वा आफूसँग रहेको सोही मुल्य बराबरको शेयर उपलब्ध गराई प्रवेश गर्न सक्नेछन् । न्यूनतम लगानी अवधि ५ वर्षको रहेको यो सेवा प्राप्त गरेवापत बार्षिक ०.५ प्रतिशत बार्षिक व्यवस्थापन शुल्क लाग्नेछ भने पहिलो २ वर्षभित्र यो व्यवस्थापन सेवाबाट बाहिरिनु परेमा आफ्नो लगानीको ३ प्रतिशत रकम तिरी जुनसुकै बेला पनि बाहिरिन सकिनेछ । २ बर्ष पछि बाहिरिनु परेमा यस्तो कुनै प्रकारको शुल्क नतिरी जुनसुकै बेला पनि बाहिरिन सकिनेछ ।

 

 

No comment yet. Be the first one to comment.