एनआईसी एसिया बैंक र वर्ल्ड रेमिटबीच मलेसियाबाट पनि रेमिट्यान्स पठाउन सकिने गरी सम्झौता

एनआईसी एसिया बैंक र वर्ल्ड रेमिटबीच मलेसियाबाट पनि रेमिट्यान्स पठाउन सकिने गरी सम्झौता

काठमाडौं । एनआईसी एसिया बैंक र वर्ल्ड रेमिटबीच रेमिट्यान्स साझेदारीको सम्झौता भएको छ । बैंकले मलेसियाबाट समेत आफ्नो बैंकिङ च्यानलमार्फत रेमिट्यान्स भित्र्याउने गरी वर्ल्ड रेमिटसँग सम्झौता गरेको हो । हालैमात्र दुई संस्थाबीच भएको यस सम्झौतापश्चात अब विश्वका ५० भन्दा बढि मुलुकहरूबाट नेपालका जुनसुकै बैंक खाता तथा जुनसुकै स्थानमा सहजै रकम पठाउन सकिने भएको बैंकले बताएको छ । 

रेमिट्यान्सको दायरालाई अझ विस्तार गर्दै एनआईसी एसिया बैंकले मलेसियाबाट समेत पैसा पठाउन मिल्ने गरी वर्ल्ड रेमिटसँग साझेदारीको घोषणा गरेको जनाएको छ । यसबाट मलेसियामा बस्दै आएका नेपालीहरुले बिना झन्झट सजिलै वर्ल्ड रेमिटको एप तथा वेबसाइटको प्रयोग गरी नेपालमा पैसा पठाउन सक्ने समेत बैंकले बताएको छ ।

 साथै, विदेशबाट आफुले इच्छाएको व्यक्तिको नाममा रेमिट्यान्स पठाई देशभर छरिएर रहेका बैंकको १२ हजारभन्दा बढी रेमिट्यान्स एजेन्टहरूमार्फत समेत सहज रुपमा नगद प्रवाह गर्न सकिने बैंकको भनाई छ । बैंक र वर्ल्ड रेमिटबीचको यस साझेदारीले मलेसियामा रहेका लाखौं  नेपालीहरुलाई नेपाल रकम पठाउन सहज हुने बैंकको भनाई छ । 

 

 

No comment yet. Be the first one to comment.