पञ्चकन्याले गर्यो विशेष प्लम्बिङ तालिम |
काठमाडौं । पञ्चकन्या ग्रुपले सेकीसुई, जापान र स्टारलाइन इन्टरप्राइजेज, भारतको सहकार्यमा विशेष प्लम्बिङ तालिम सञ्चालन गरेको छ ।
कम्पनीले वैशाख १९ देखि वैशाख २० सम्म दाङको घोराहीमा सञ्चालन गरेको तालिममा ७२ जनाको सहभागीता रहेको थियो । सुरुमा प्रारम्भिक प्लम्बिङ तालिम दिइएकोे र त्यसपछि जापानको प्रख्यात कम्पनी सेकीसुइ र स्टारलाईन इन्टरप्राइजेज, भारतका दक्ष, अनुभवी तथा प्रोफेशनल प्रशिक्षकद्वारा सहभागीहरुलाई प्रशिक्षण दिएको थियो ।
तालिमको मुख्य उद्देश्य देशका बेरोजगार युवायुवतीहरु लाई सिपमुलक बनाएर आफ्नै देशमा आम्दानी गर्नको लागि वातावरण सिर्जना गर्नु रहेको थियो ।
ग्रुपले इच्छुकलाई इन्टरनेट मार्फत आफ्नो व्यक्तिगत विवरण बुझाई सिपमूक तालिममा सहभागी भई प्रमाण–पत्र हासिल गर्न अनुरोध समेत गरेको छ ।
