बाढी पहिरोबाट उपत्यकाका ३ जिल्लामा ५२ जनाको मृत्यु, ९ बेपत्ता

त्यसैगरी ललितपुरबाट ७, काठमाडौंबाट २ गरी ९ जना भने अझै बेपत्ता छन् । बाढी पहिरोमा परी घाइते हुनेको संख्या ३१ छ । काठमाडौंमा १८,ललितपुरमा ९ र भक्तपुरमा ३ जना गरी ३१ जना घाइते भएका थिए । ती मध्ये ललितपुरका ९ जना डिस्चार्ज भइसकेका छन् ।

यी तीन जिल्लाबाट सुरक्षाकर्मीहरु २ हजार १५५ जनाको उद्दार गरेका छन् । काठमाडौंबाट १ हजार ४४२, ललितपुरबाट ६५७ र भक्तपुरबाट ५६ जनाको उद्दार गरिएको एसएसपी घिमिरेले बताए ।

बाढी पहिरोमा परेर २ हजार ७४० घरहरुमा क्षति भएको छ । काठमाडौंमा १ हजार ३४० घर डुबानमा परेको र ११ घर भत्केको पाइएको छ ।ललितपुरमा ९७८ घर र भक्तपुरमा ४१७ घरहरु डुबानमा परेका छन् ।