बीरगञ्जमा महिन्द्राको सर्भिस क्याम्प सम्पन्न |
काठमाडौं । नेपालमा महिन्द्रा गाडीहरुको एकमात्र आधिकारिक वितरक अग्नि ग्रुपले हालै बीरगञ्जमा महिन्द्रा ट्रयाक्टरहरुका लागि ‘फ्रि मेगा सर्भिस क्याम्प’ तथा स्वास्थ्य शिविर सफलतापूर्वक सम्पन्न गरेको छ । वैशाख ७ गतेदेखि ९ गतेसम्म सञ्चालित यस शिविरमा वीरगञ्ज वासीहरुको उल्लेख्य सहभागिता रहेको थियो ।
फ्रि सर्भिस क्याम्पमा लुब्रिकेन्ट, स्पेयर पार्ट्स तथा अन्य एक्सेसरिजहरुमा प्रदान गरिएको विशेष छुट प्रमुख आकर्षंणका रुपमा लिइएको थियो । सर्भिस क्याम्पका सहभागी हुनुहुने भाग्यशाली विजेताहरुलाई आकर्षक उपहार पनि प्रदान गरिएको थियो । मनोज शाही, शोनालाल राउत तथा विरेन्द्र शाहले लक्की ड्र मार्फत उपहार समेत जितेका थिए । यो मेगा सर्भिस क्याम्पमा दक्ष प्राविधिकहरुले साधनको परीक्षण गरेको थिए । साथै निːशुल्क स्वास्थ्य शिविर प्रमुख आकर्षणका रुपमा रहेको थियो ।
सन् १९९१ मा नेपालमा स्थापना भएको अग्नि ग्रुप प्रालि अन्तर्गत अग्नी इन्कर्पोरेटेड प्रालि, अग्नि इनर्जी प्रालि, अग्नि मोटोइन्क प्रालि, बालाजू अटो वक्र्स प्रालि रहेका छन् । यी कम्पनीहरुले महिन्द्रा युटिलिटि भेइकल, ट्र्याक्टर, टुह्वीलर तथा विद्युतीय कार तथा जेनेरेटरहरु विक्री वितरण गर्दै आएका छन् ।
