टानको नयाँ अध्यक्षमा पाण्डे विजयी

काठमाडौं । ट्रेकिङ एजेन्सिज एसोसिएसन अफ नेपाल (टान)मा पाण्डे समूह विजयी भएको छ । टानको नयाँ अध्यक्षमा सागर पाण्डेले अध्यक्षका प्रत्याशी राजेन्द्र सापकोटालाई १०० मतको अन्तरले पराजित गरेका छन् । टानको सोमबार भएको मतदानमा पाण्डेले ५८० मत ल्याए भने सापकोटाले ४८० मत मात्र ल्याए ।

 महसचिवममा पाण्डे समूहकै सोनाम ग्याल्जेन शेर्पा  सापकोटा समूहका राजेन्द्रप्रसाद सुबेदी पराजित गर्दै विजयी भएका छन् । शेर्पाले ५५० मत ल्याए विजयी भए  । त्यस्तै, 
वरिष्ठ उपाध्यक्षमा सापकोटा समूहबाट कर्मा शेर्पा ५५८ मत ल्याएर विजयी भएका छन् । पाण्डे समूहका चोलेन्द्र कार्कीलाई पराजित गर्दै शेर्पा विजयी भएका छन्  । त्यस्तै, प्रथम उपाध्यक्षमा सापकोटा समूहका विष्णुप्रसाद लम्साल विजयी भए । उनले ५३५ र द्वितीय उपाध्यक्षमा सनम शेर्पा ५४४ विजयी भएका छन् ।

त्यस्तै सचिव पदमा रिञ्जी जाङबु शेर्पा ५९१ मत पाएर विजयी भएका छन् भने कोषाध्यक्षमा गौतम राज वाग्ले ५८३ र सहकोषाध्यक्षमा लाक्पा तेम्बा शेर्पा निर्वाचित भए । सदस्यहरूमा पवित्रा तामाङ अम्बिर बहादुर गुरुङ, विनोद तामाङ, होम बहादुर विश्वकर्मा, फुर्पु छिरिङ ल्होमी (भोटे) निर्वाचित भएको टान निर्वाचन समितिले जनाएको छ । 

केन्द्रीय सदस्यहरुमा अम्बिरबहादुर गुरुङ,विनोद कुमार तामाङ,होमबहादुर विश्कर्मा,फुर्पु छिरिङ ल्होमी(भोटे), विकास गुरुङ,सागर राई छाप्ते लामा र राजु गुरुङ विजयी भएका छन् ।