जगदम्बा मोटर्सले ल्यायो टिभिएस मोटरसाइकलमा अफरसहितको ‘मनसुन एक्सचेन्ज’
![monsoon Exchange monsoon Exchange](https://www.arthikpati.com/wp-content/uploads/2024/06/monsoon-Exchange-758x1024-1185x1600.jpeg)
काठमाडौं । जगदम्बा मोटर्सले ‘मनसुन एक्सचेन्ज’ अभियान सार्वजनिक गरेको छ। ग्राहकहरूलाई असाधारण डिलहरू र सवारी अपग्रेड गर्ने मौका प्रदान गर्दै यो अभियान जेठ २३ देखि जेठ २८ गते सम्म चल्ने बताइएको छ।
यस अभियानले स्मार्ट कनेक्ट, राइड मोडहरू र ग्लाइड थ्रु ट्राफिक जस्ता नवीनतम् प्रविधिहरूले सुसज्जित टिभिएस मोटरसाइकल मोडलहरूमा रोमाञ्चक लाभहरू प्रदान गर्दछ। यी सुविधाहरूले सवारी चलाउने अनुभव, सुधारिएको प्रदर्शन र उच्च इन्धन दक्षता सुनिश्चित गर्ने कम्पनीले जनाएको छ।
यस अभियानमा ग्राहकहरूले टिभिएसका बाइक तथा स्कुटरको खरिदमा क्यास डिस्काउन्टका साथै पुरानो मोटरसाइकलमा थप मूल्याङ्कन प्राप्त गर्नेछन् र यी प्रस्तावहरूलाई अझ पहुँचयोग्य बनाउन जगदम्बा मोटर्सले बजारकै सबैभन्दा कम ३,९९९ रूपैयाँप्रति महिना उपलब्ध गराएको छ।
साथै, ग्राहकहरूले हेल्मेट, बाइक कभर र ब्याग लगायत निःशुल्क सामग्री पनि प्राप्त गर्न सक्ने बताइएको छ ।