सरकारले रक्सी र चुरोटमा बढायो कर, पेट्रोलियम पदार्थ र कोइलामा हरित कर थपियो
काठमाडौं । सरकारले रक्सी र चुरोटमा कर बढाएको छ भने पेट्रोलियम पदार्थ र कोइलामा हरित कर लगाएको छ।
मंगलबार अर्थमन्त्री वर्षमान पुनले संघीय संसदको संयुक्त सदनमा आगामी आर्थिक वर्ष २०८१/८२ को बजेट प्रस्तुत गर्दै उक्त कर लगाएको बताए।
अर्थमन्त्री वर्षमान पुनले मदिरा, वियर, सूर्ति र चुरोटमा लगाइएको अन्तः शुल्क दरमा वृद्धि गरेको बताए ।
यस्तै कार्बन उत्सर्जन घटाउने अन्तर्राष्ट्रिय प्रतिबद्धता अनुरूप पेट्रोलियम पदार्थ र कोइला पैठारीमा हरित कर लगाएको उनले बताए।
