शाखा खोल्न इच्छुक ब्रोकरलाई पाँचवर्षे योजनासहित आउन नेप्सेको आग्रह |
काठमाडौं । नेपाल स्टक एक्स्चेञ्ज (नेप्से) ले शाखा विस्तार गर्न इच्छुक सदस्य दलाल व्यवसायी (ब्रोकर) लाई आवेदन आह्वान गरेको छ । नेप्सेले ब्रोकरहरूलाई ५ वर्षसम्मको व्यावसायिक योजनासहितको निवदेन पेश गर्न आग्रह गरेको हो ।
नेप्सेले प्रकाशित गरेको विज्ञप्तिमा आफ्नो शाखा खोली धितोपत्रको दोस्रो बजारलाई देशव्यापी रूपमा विस्तार गर्न आग्रह गरिएको छ । साथै, आफ्नो कम्पनीको आर्थिक तथा भौतिक क्षमता, हाल कायम रहेको पूर्वाधार, विस्तृत ठेगाना तथा सम्पर्क व्यक्तिलगायतका तथ्यगत विवरणसहित निवेदन बुझाउन नेप्सेले ब्रोकरहरुलाई आग्रह गरेको छ ।
