सन् २०२४ मा एसिया प्रशान्त क्षेत्रको अर्थतन्त्र ४.५ प्रतिशतले वृद्धि हुने
सिंगापुर । अन्तर्राष्ट्रिय मुद्रा कोष (आइएमएफ) ले मंगलबार सिंगापुरमा आयोजना गरेको आफ्नो ‘क्षेत्रीय आर्थिक दृष्टिकोण एसिया र प्रशान्त’ कार्यक्रममा एसिया प्रशान्त क्षेत्रको वृद्धि सन् २०२३ मा पाँच प्रतिशतको तुलनामा यस वर्ष चार दशमलव पाँच प्रतिशत रहने जनाएको छ ।
एसिया–प्रशान्त विश्वको सबैभन्दा गतिशील क्षेत्र रहने अपेक्षा गरिएको छ । यो क्षेत्रले सन् २०२४ मा विश्वव्यापी वृद्धिको लगभग ६० प्रतिशत योगदान पुर्याउने प्रतिवेदनमा उल्लेख छ । धेरै जसो आसियान देशहरुमा लचिलो घरेलु उपभोगदेखि प्रशान्त टापु देशहरुमा पर्यटनमा तीव्र वृद्धिसम्म यस क्षेत्रले विविध वृद्धि चालकहरुलाई अँगालेको आइएमएफले बताएको छ ।
निकट–अवधि जोखिमहरु अहिले व्यापकरुपमा सन्तुलित छन् । मुद्रास्फीतिमा कमी र पहिलेको मौद्रिक सहजताको सम्भावनाले नरम अवतरणको सम्भावना बढेको आइएमएफले उल्लेख गरेको छ । युरोप र संयुक्त राज्य अमेरिकामा अपेक्षितभन्दा बलियो वृद्धिले एसियाका निर्यातकर्ताहरुमा वृद्धि ल्याउने छ तर बढ्दो भू–आर्थिक विभाजन र भूराजनीतिक तनावले यस क्षेत्रको मध्यम–अवधिको वृद्धिमा गम्भीर नकारात्मक असरहरु उत्पन्न भइरहेको छ ।
आइएमएफले केन्द्रीय बैंकहरुले लक्ष्यमा मुद्रास्फीति सहजरुपमा फर्किने कुरा सुनिश्चित गर्नुपर्ने र नीति निर्माताहरुले फेडरल रिजर्भले अनुमानित ब्याज दर चालहरुमा अत्यधिक निर्भर निर्णयहरु गर्नबाट जोगिनु पर्ने सुझाव दिएको छ ।
सिन्ह्वा
