१७ औं टोयोटा ड्रिम कार आर्ट कन्टेस्टका विजेता घोषणा
काठमाडौं । नेपालका लागि टोयोटाको आधिकारीक वितरक युनाइटेड ट्रेडर्स सिन्डिकेन्टले ‘१७ औं टोयोटा ड्रिम कार आर्ट कन्टेस्ट’को विजेता घोषणा गरेको छ । बैद्ययज् अर्गनाइजेनमा एक कार्यक्रम आयोजना गरेर वजेता घोषणा र उनीहरूलाई पुरस्कार तथा प्रमाणपत्र सहित सम्मान गरेको हो ।
टोयोटा ड्रिम कार आर्ट कन्टेस्ट गत डिसेम्बर २०२३ देखि फेब्रुअरी २०२४ सम्म संचालन भएको थियो । देशभरका करिब ८ सय सहभागीहरु मध्ये प्रत्येक इन्ट्री क्याटागोरीबाट ३ जना विजेता घोषणा गरिएको हो । विजेताहरुले आगामी दिनमा जापानमा हुने प्रतियोगितामा नेपालको तर्फबाट सहभागिता जनाउने छन् ।
क्याटागोरी १ अन्तर्गत ७ वर्ष वा सोभन्दा मुनिको उमेर समूहमा इज्यान खान मलिक, एरिका अधिकारी र साहित्य अयेरले क्रमशः पहिलो, दोस्रो र तेस्रो स्थान हासिल गरे ।
त्यसैगरी क्याटागोरी २ अन्तर्गत ८ देखि ११ वर्ष उमेर समूहमा जिनिशा जेन, रय्य सिंह महर्जन, आर्याव जोशीले क्रमशः पहिलो, दोस्रो र तेस्रो स्थान हासिल गरे ।
क्याटागोरी ३ अन्तर्गत १२ देखि १५ वर्ष उमेर समूहमा ओंजाला महर्जन,जेनिशा थापा,जुनिया राईले क्रमशः पहिलो, दोस्रो र तेस्रो स्थान हासिल गरे । विजेताहरुलाई प्रमाणपत्र र विभिन्न पुरस्कार वितरण गरिएको थियो ।
टोयोटा कर्पोरेशनले प्रतियोगितामार्फत विश्वभरका बालबालिकाहरुलाई आफ्नो ड्रिम कार ड्रइङ गरेर भविष्यको मोबिलिटी वारेमा आफ्नो धारणा सार्वजनिक गर्ने अवसर प्रदान गर्दै आएको छ ।
भविष्यका इन्भेन्टर्स, थिंकर्स र ड्रिमर्स बालबालिकाहरुको प्रतिभालाई प्रस्फुटन गर्न यसले सहयोग पुर्याउने टोयोटाले अपेक्षा राखेको छ ।
सन् २००४ देखि टोयोटाले आफनो सामाजिक उत्तरदायित्व अन्तर्गत यस प्रकारको प्रतियोगिता आयोजना गर्दै आएको छ । गत वर्ष मात्र विश्वभरका ९० देशका ७ लाख ८० हजार बालबालिकाहरुले यस्तै प्रतियोगितामा सहभागिता जनाएका थिए ।
