सानिमा माई हाईड्रोपावरको नाफा ३.३९% ले बढ्यो
काठमाडौं । सानिमा माई हाईड्रोपावर लिमिटेडले चालु आवको दोस्रो त्रैमाससम्म ३३ करोड ४१ लाख रुपैयाँ खुद नाफा आर्जन गरेको छ ।
यो रकम गत वर्षको सोहि अवधिको तुलनामा ३.३९ प्रतिशतले बढी हो । अघिल्लो आवको दोस्रो त्रैमाससम्म कम्हपनीले ३२ करोड ३१ लाख रुपैयाँ खुद नाफा कमाएको थियो ।
कम्पनीको बिद्युत बिक्रीबट हुने आम्दानी भने घटेको छ । कम्पनीले विद्युत बिक्रीबाट ४९ करोड ९२ लाख रुपैयाँ आर्जन गरेको छ । जुन अघिल्लो आवको सोहि अवधिको तुलनामा १.१३ प्रतिशतले कम हो । कम्पनीके वित्त आम्दानी १९.३४ प्रतिशतले बढ्दै २ करोड ७२ लाख रुपैयाँ पुगेको छ ।
समीक्षा अवधिसम्म कम्पनीको सञ्चालन मुनाफा ३८ करोड १८ लाख बाट घटेर ३६ करोड ९५ लाख रुपैयाँमा सीमित भएको छ । कम्पनीको प्रशासनिक तथा अन्य सञ्चालन खर्च ८ करोड ७८ लाख रुपैयाँले ऋणात्मक रहेको छ ।
कम्पनीको रिटेन्ड अर्निङ १ अर्ब ४० करोड र अन्य रिजर्भ १ अर्ब ३४ करोड रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस)१०.८२ रुपैयाँ,प्रतिसेयर नेटवर्थ १८९.१० रुपैयाँ र मूल्य आम्दानी अनुपात ३४.५६ गुणा कायम भएको छ ।
