पल्सर स्पोर्ट्स अवार्ड माघ १२ गते हुने
काठमाडौं । यस वर्षको पल्सर स्पोर्ट्स अवार्ड आगामी माघ १२ गते हुने घोषणा भएको छ। आयोजक नेपाल खेलकुद पत्रकार मञ्च (एनएसजेएफ)ले आबइतबार पत्रकार सम्मेलन गरी २० औं संस्करणको मिति घोषणा गरेको हो।
यो संस्करणका लागि एनएसजेएफले नेपालका लागि पल्सर मोटरसाइकलको आधिकारिक बिक्रेता हंशराज हुलासचन्द एण्ड कम्पनीसँग प्रायोजनका लागि यस वर्ष पनि सम्झौता गरेको छ। उक्त सम्झौता कार्यक्रममा पल्सरले ५ वटा मोटरसाइकल र १२ लाख रुपैयाँ प्रदान गर्ने गोल्छा ग्रुपका निर्देशक अभिमन्यु गोल्छाले घोषणा गरेका छन।
अवार्डमा ९ वटा विधा समेटिने आयोजकले जनाएको छ । वर्षका उत्कृष्ट पुरुष खेलाडी, महिला खेलाडी, युवा खेलाडी, प्रशिक्षक, पिपल्च च्वाइस अवार्ड, पारा एथ्लिट सम्मान, स्पेसल अवार्ड, लाइफ टाइम अचिभमेन्ट अवार्ड र एसियन स्पोर्ट्स जर्नालिस्ट अवार्ड रहेका छन्।
वर्ष खेलाडी पुरुष, महिला, पिपल्स च्वाइस, प्रशिक्षक र युवा खेलाडीले पल्सर मोटरसाइकल पाउने आयोजकले जनाएको छ। अन्य विधाका खेलकर्मीले जनही ५० हजार रुपैयाँ प्राप्त गर्नेछन्।
