सामसङको उमङ्गः नयाँ वर्षमा मूल्यसूची पनि नयाँ, यी ५ मोबाइलमा विशेष छुट

काठमाडौं । सामसङले नयाँ वर्ष सन् २०२४ को अवसरमा मोबाइलको नयाँ मूल्य सूची सार्वजनिक गरेको छ । आफ्ना ग्राहकहरूको नयाँ वर्ष अझ बढी खास बनाउने योजनाका साथ अफर सार्वजनिक गरिएको हो ।​

बजारमा प्रचलनमा रहेका  मोबाइलहरूको दुई हजार रुपैयाँ कम गरेर उपलब्ध गराइएको सामसङले जनाएको छ ।​ सामसङले  ग्यालेक्सी ए३४ ५जी, ग्यालेक्सी ए०४एस, ग्यालेक्सी ए०४ र ग्यालेक्सी एम१४ ५जीको प्रचलित मूल्यभन्दा दुई हजार रुपैयाँ कम गराएको हाे । यस अवसरको भरपूर फाइदा उठाउन पनि कम्पनीले आग्रह गरेको छ । 

अति आकर्षक विशेषताहरु र पावरफुल पर्फर्मेन्सबाहेक ग्यालेक्सी ए३४ ५जीमा ५ वर्षको सेक्युरिटी अपडेट र ४ ओएस अपग्रेडहरुको सुविधा छ । यसैगरी ग्यालेक्सी ए०४एस, ग्यालेक्सी ए०४/ग्यालेक्सी एम१४/ एम04मा पनि ४ वर्षको सेक्युरिटी अपडेट र २ ओएस अपग्रेडहरुको सुविधा छ जसले प्रयोगकर्ताहरुलाई सहज बनाइदिन् कम्पनीकाे दाबी छ ।