माछापुच्छ्रे बैंकले ल्यायो नेपालमा पहिलो पटक फिनपोस कारोबारमा ध्वनिबाट सूचना पाइने प्रविधि
काठमाडौं । माछापुच्छ्रे बैंकले पोस मेसिनमा ‘इन्स्टान्ट पेमेन्ट नोटिफिकेसन’ प्रविधिको सुरुवात गरेको छ । यो प्रविधि नेपालमा पहिलो पटक प्रयोगमा ल्याइएको बैंकले दाबी गरेको छ ।
नेपालभरका फिनपोस ब्रान्डको मेसिनमा रिसिप्टको साथै ध्वनिबाट पनि भुक्तानीको सूचना दिने गरी माछापुच्छ्रे बैंकले यो प्रविधिको सुरुवात गरेको हो ।
अब माछापुच्छ्रे बैंकका फिनपोस मर्चेन्टहरुले कार्ड, क्यूआर (नेपालपे वा फोनपे) र एम स्मार्ट एनएफसीमार्फत भुक्तानी प्राप्त गर्दा कारोबार सफल भएको जानकारी ध्वनी मार्फत हुनेछ ।
‘यसले सेवाग्राही तथा मर्चेन्टमाझ कार्ड कारोबारप्रति लोकप्रियता एवम् विश्वासनीयता अझ बढ्नेछ,’ बैंकले जारी गरेको विज्ञप्तिमा भनिएको छ, ‘यस सुविधाबाट माछापुच्छ्रे बैंकका हजारभन्दा बढी फिनपोस राख्ने मर्चेन्टहरु प्रत्यक्ष लाभान्वित हुने छन् ।’
अन्य कुनै मर्चेन्टहरुलाई यो प्रविधि चाहिएको खण्डमा माछापुच्छ्रे बैंकको ग्राहक सेवा केन्द्रमा सम्पर्क राखेर उक्त सेवा सजिलै जाडन गर्न सक्ने बैंकले जनाएको छ ।
