नेशनल लाईफले गर्याे १३ करोड रुपैयाँ खुद नाफा

काठमाडौं । नेशनल लाईफ इन्स्योरेन्स कम्पनीले चालु आर्थिक वर्ष २०८०÷८१ को प्रथम त्रैमासमा १३ करोड २ लाख ५८ हजार रुपैयाँ खुद नाफा आर्जन गरेको छ । गत आर्थिक वर्षको सोही अवधिमा कम्पनीले १२ करोड ९९ लाख ४१ हजार रुपैयाँ मात्रै खुद नाफा गरेको थियो ।

असोज मसान्तसम्म कम्पनीले ४ अर्ब १९ करोड ४० लाख रुपैयाँ खुद बीमा शुल्क आर्जन गरेको छ । गत वर्षको सोही अवधिमा कम्पनीले ४ अर्ब ३८ करोड २ लाख रुपैयाँ खुद बीमा शुल्क आर्जन गरेको थियो ।

चालु आर्थिक वर्षको तीन महिनामा कम्पनीले १ अर्ब ९७ करोड ४५ लाख रुपैयाँ खुद दाबी भुक्तानी गरेको छ । गत वर्षको सोही अवधिमा कम्पनीले २ अर्ब १४ करोड ९० लाख रुपैयाँ खुद दावी भुक्तानी गरेको थियो ।

समीक्षा अवधिमा कम्पनीको चुक्त पुँजी ५ अर्ब १ करोड रुपैयाँ रहेको छ भने जगेडा कोष २ करोड ७८ लाख रुपैयाँ रहेको छ । यस्तै, कम्पनीको महाविपत्ती कोषमा ४८ करोड ३९ लाख रुपैयाँ रहेको छ ।

यस अवधिमा कम्पनीको प्रतिसेयर आम्दानी १०.४० रुपैयाँ रहेको छ भने प्रतिसेयर नेटवर्थ १२९.१२ रुपैयाँ रहेको छ ।