नेपाल टेलिकमको सापटी सेवा आज र भोलि बन्द |
काठमाडौं । केही समयदेखि सञ्चालनमा रहेको नेपाल टेलिकमको सापटी सेवा आज मंगलवार र भोलि फागुन १ गतेसम्मका लागि बन्द भएको छ । कम्पनीले सबै मोबाइल फोन प्रयोगकर्ताहरूलाई एसएमएसमार्फत जानकारी गराएरै उक्त सेवा बन्द गरेको हो ।
टेलिकमका सहायक प्रवक्ता शोभन अधिकारीले सिष्टम मर्मत सम्भार गर्नुपर्ने भएकाले दुई दिनका लागि सेवा अवरुद्ध गरिएको जानकारी दिए । फागुन २ गतेदेखि परिमार्जित रूपमा सापटी सेवा उपलब्ध गराउने पनि उनले बताए ।
