वेस्टर्न युनियन मनी ट्रान्सफरको दशैं अभियानको दोस्रो साप्ताहिक लक्की ड्रको नतिजा सार्वजनिक
काठमाडौं । वेस्टर्न युनियन मनी ट्रान्सफरले दशैं, तिहार र छठ पर्वको अवसरमा सञ्चालित ‘दशैंमा दश गुणा’ अभियानको दोस्रो लक्की ड्र को नतिजा सार्वजनिक गरेको छ ।
जसअनुसार ८ जना विजेता घोषणा गरिएको छ । वेस्टर्न युनियन मनी ट्रान्सफरबाट रेमिटेन्स प्राप्त गरेका ग्राहकहरुको मध्ये ८ जनाले २५ हजार रूपैयाँसम्मको कारोबार रकममा दुई गुणा प्राप्त गरेका छन् ।
विजेता हुनेमा रोभयाडा खातुन, मो नसिबुल रेन, मिरा केशी, रामकुमार लिम्बु, मंगल तामाङ, मेनुका गिरी, आयुब खान र बिल्टु मण्डल रहेका छन् ।
यस योजनामा सहभागी हुनका लागि ग्राहकहरुले नेपालका सबै ७७ जिल्लाहरुमा फैलिएका वेस्टर्न युनियन मनी ट्रान्सफर सेवाका १५ हजारभन्दा बढी भुक्तानी काउन्टरहरु मध्ये कुनैबाट आफ्नो रेमिटेन्स प्राप्त गर्नुपर्नेछ ।
अभियान अवधिका प्रत्येक कारोबारहरु स्वत: रुपमा साप्ताहिक र बम्पर ड्र का लागि समावेश हुनेछन् । यो योजना नेपालभर ८ असोजदेखि १० मंसिरसम्म लागु हुनेछ।
यस योजना अन्तर्गत आठ हप्तासम्म ६४ भाग्यशाली ग्राहकहरुले २५ हजार रूपैयाँसम्मको कारोबारमा दुई गुणा र सो भन्दा बढीको कारोबारमा २५ हजार रूपैयाँ पुरस्कार पाउनेछन् ।
यसका साथै बम्परमा भाग्यशाली ग्राहकले एक लाख रुपैयाँसम्मको कारोबारमा दश गुणा प्राप्त गर्नेछन् भने ५० हजार भन्दा कम कारोबारमा निश्चित पुरस्कार ५ लाख रूपैयाँ प्राप्त गर्नेछन् । यदि विजेताको कारोबार रकम १ लाख रूपैयाँभन्दा बढी भएमा विजेताले निश्चित पुरस्कार रकम १० लाख रूपैयाँ प्राप्त गर्नेछन् ।
