एनसेलको वार्षिकोत्सवमा रक्तदान कार्यक्रम

काठमाडौं । एनसेल आजियाटा लिमिटेडले १८औं वार्षिकोत्सवको अवसरमा रक्तदान कार्यक्रम आयोजना गरेको छ ।

मंगलबार काठमाडौंको लैनचौरस्थित कर्पोरेट कार्यालय एनसेल आइकन भवनमा आयोजित कार्यक्रममा १०० जना बढी व्यक्तिले रक्तदान गरेका थिए ।

हाम्रो लाइफ बैंकको सहकार्यमा आयोजित यस रक्तदान कार्यक्रममा सर्वसाधारण, एनसेल आइकनमा आएका ग्राहकहरु र एनसेलका कर्मचारीहरुले रक्तदान गरेका थिए ।

एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले अमूल्य जीवन बचाउन कार्यक्रममा सहभागी भई रक्तदान गर्ने सबैलाई धन्यवाद दिए ।