रियलमीको डिस्ट्रिब्युटर मीट २०२३ सम्पन्न
काठमाडौं । स्मार्टफोन ब्रान्ड रियलमीले आफ्नो डिस्ट्रिब्युटर मीट २०२३ सफलतापूर्वक सम्पन्न गरेको छ ।
शनिबार काठमाडौंको नक्सालस्थित मेरियट होटलमा आयोजना गरिएको उक्त डिस्ट्रिब्युटर मीटमा नेपालभरका ४० भन्दा बढी डिलरहरू सहभागी भएका थिए ।
आफ्ना डिस्ट्रिब्युटरहरूसँगको सम्बन्ध अझ प्रगाढ पार्ने उद्देश्यले यस डिस्ट्रिब्युटर मीटको आयोजना गरिएको कम्पनीले जानकारी दिएको छ ।
साथै, डिस्ट्रिब्युटरहरूसँग पारदर्शी सञ्चार कायम राख्न तथा उनीहरूले सामना गरिरहेका प्रमुख चुनौती र तिनीहरूका समाधान खोज्न पनि यस डिस्ट्रिब्युटर मीटको आयोजना गरिएको कम्पनीले जानकारी दिएको छ ।
डिस्ट्रिब्युटर मीटलाई सम्बोधन गर्दै रियलमी नेपालका कन्ट्री हेड मुनिश गिरीले भने, ‘यस डिस्ट्रिब्युटर मीटमा उपस्थित हुनु भएका समस्त डिस्ट्रिब्युटरहरूप्रति हामी आभारी छौँ । डिस्ट्रिब्युटरहरूको लगातार मेहेनत र लगनशीलता नै हाम्रो सफलताको कडी हो । समन्वय गर्दै नेपाली प्रविधिमा नयाँ आयाम थप्नेछौँ र अझै प्रतिबद्ध भएर अगाडि बढनेछौँ भन्ने हामीलाई विश्वास छ ।’
उक्त कार्यक्रममा नेपालभरका डिस्ट्रिब्युटरहरूलाई अटल सहयोगको कदरस्वरूप प्रमाणपत्रसहित सम्मान गरिएको थियो ।
कार्यक्रममा जगदम्बा मोबाइल र पशुपति ट्रेड लिंकका कर्मचारीहरूको पनि उपस्थिति रहेको थियो ।
