शेयरप्रो सेक्यूरिटीजद्धारा मिस्ड कल सेवा सञ्चालन

काठमाडौं । शेयरप्रो सेक्यूरिटीज प्रा. लि. .(दलाल नं. ६५) नेपालको उदीयमान शेयर दलाली सेवा प्रदान गर्ने कम्पनि हो । शेयरप्रो सेक्यूरिटीज २०८०।०२।०९ मा धितोपत्र बोर्डबाट अनुमतिपत्र प्राप्त गरी मिति २०८०।०३।२८ बाट धितोपत्र दलाली (Share Brokerage) र निक्षेप सदस्य (Depositery Participant) को सेवा प्रदान गर्दै आइरहेको छ ।

ग्राहकहरुलाई उत्कृष्ट सेवाको आफ्नो प्रतिबद्धता अनुरुप ग्राहकहरुलाई लक्षित गरी कम्पनीले मिस्ड कल सेवा सञ्चालनमा ल्याएको छ । यो सेवा अन्तर्गत कम्पनीले दुई वटा मोबाइल नम्बरहरु सार्वजनिक गरेको छ ।

पहिलो नम्बर ९८०२३६५००९ बाट अनलाइन ट्रेडिङसँग सम्बन्धित जानकारी प्राप्त गर्न सकिनेछ भने अर्को नम्बर ९८०२३६५०१५बाट डिम्याट सम्बन्धि आवश्यक जानकारी प्राप्त गर्न सकिनेछ । यो सेवा पूर्ण रुपमा नि : शुल्क रहेको छ । कम्पनीका विद्यमान ग्राहक तथा धितोपत्र बजारमा रुचि राख्ने जो कोही व्यक्तिले यो सेवाको प्रयोग गरी लाभ लिन सक्ने विश्वास कम्पनीले लिएको छ ।