इनोभेसन ल्याब विकासमा मेटलाइफको सहयोग
काठमाडौं । नवप्रवर्तनलाई बढावा दिन र बालबालिकामा बुद्धिविकास गर्ने दिशामा महत्वपूर्ण कदमको रूपमा, मेटलाइफ नेपालले मेकिंग स्पेस स्थापना गर्न श्री सिद्धि मंगल माध्यमिक विद्यालय, ललितपुरलाई सहयोग गर्न कारखाना समूहसँग साझेदारी गरेको छ । यस पहलले विज्ञान, प्रविधि, इन्जिनियरिङ्, कला, र गणित (स्टीम) क्लब स्थापना गर्ने र विद्यार्थीहरूलाई मेकिंग स्पेसभित्र विभिन्न डिजाइन सोच विचारहरू अन्वेषण गर्न, सिक्न र कार्यान्वयन गर्न अनुकूल वातावरण प्रदान गरेर सशक्त बनाउने लक्ष्य राखिएको मेटलाइफले जनाएको छ ।
विद्यालयमा मेकिंग स्पेसको सेटअप मार्फत, मेटलाइफले शिक्षक र बालबालिका दुवैलाई सैद्धान्तिक ज्ञान र आवश्यक उपकरणको उपलब्धताको साथ व्यवहारिक प्रयोगको बीचको खाडललाई कम गर्ने अवसर प्रदान गर्ने प्रयास गरिनेछ । ल्याबले विद्यार्थीहरूलाई सहयोग गर्न, प्रयोग गर्न र वास्तविक–विश्व चुनौतीहरूको समाधानहरू विकास गर्न गतिशील केन्द्रको रूपमा काम गर्नेछ ।
मेटलाइफ नेपालले समाजको समग्र विकासमा योगदान प्रदान गर्ने महत्त्वलाई मान्यता दिएको र शिक्षालाई यो लक्ष्य हासिल गर्ने मुख्य माध्यमको रूपमा हेरेको जनाएको छ । यस पहल अन्तर्गत, मेटलाइफले विद्यालयमा मेकिंग स्पेसको विकास गर्न कारखाना समूहलाई चार लाख ७० हजार रुपैयाँ सहयोग प्रदान गरेको हो ।
शिक्षक र विद्यार्थी दुवैका लागि प्रयोगात्मक सिकाइ कार्यक्रमहरू डिजाइन र कार्यान्वयन गर्न विशेषज्ञ संस्था, कारखाना समूह सँग साझेदारी गरेर, मेटलाइफले प्राविधिक सीपहरूमा निपुण मात्र नभएर जटिल समस्याहरू समाधान गर्न पनि निपुण बाल आविष्कारहरूको पुस्ता र एक रचनात्मक मानसिकता सिर्जना गर्न चाहेको जानकारी पनि दिएको छ।
मेटलाइफ नेपालका उपाध्यक्ष तथा महाप्रबन्धक श्री निर्मलकाजी श्रेष्ठले भने, ‘यस पहल मार्फत हामीले नवप्रवर्तनको बीउ छरिरहेका छौं, जिज्ञासा र अन्वेषणको संस्कृतिको विकास गर्दैछौं जसले नेपालको शैक्षिक परिदृश्यमा निस्सन्देह प्रभाव पार्ने छ। विद्यार्थीहरूलाई सीप र आत्मविश्वासले उनीहरूका विचारहरूलाई जीवन्त बनाउनको लागि सुसज्जित गरेर, हामी राष्ट्रको उज्ज्वल भविष्यको विकास गर्दैछौं ।’
