व्यवसायिक एकताबाट मात्र निजी क्षेत्र बलियो हुन्छ–अध्यक्ष ढकाल

‘हाम्रा सदस्य वस्तुगत संघहरू महासंघका बलिया खम्वा हुन । आफै सक्षम पनि छन् । तपाईहरू आफना मुद्दाहरूलाई आफै पनि अगाडि बढाउन सक्नुुहुन्छ तर कतिपय अवस्थामा एक्लो प्रयासले मात्र पनि सफलता नमिल्न सक्छ,’ अध्यक्ष ढकालले भने,’तपाईहरूका इस्यूका साथमा महासंघपनि संगै गयो भने हाम्रो एकता अझबढी मजुवुद हुन्छ,हामीले हाम्रा समस्या समाधानमा सफलता पाउन सक्छौं ।

कार्यक्रमलाई संवोधन गर्दै महासंघका वरिष्ठ उपाध्यक्ष अन्जन श्रेष्ठले नेपालको प्रमुख समस्या भनेको सही तथ्यांकको अभाव रहेकाले यसका लागि महासंघले काम गर्ने बताए । वरिष्ठ उपाध्यक्ष श्रेष्ठले तथ्यांक उपलव्ध गराउने कार्यमा निजी क्षेत्रले पनि खुला भएर सहयोग गर्नुपर्नेमा जोड दिए ।

सदस्यहरुसंग नियमित रुपमा बसेर उनीहरुका इस्यूहरुमाथि छलफल गर्न र समस्या समाधानमा पहल गर्न महासंघका पदाधिकारीहरु हरेक दिन ३ बजे पछि महासंघमा जम्मा भएर काम गरीरहेको बताउंदै कुनै समस्या भयो भने महासंघमा आएर छलफल गर्न पनि उहांले आग्रह गरे । सदस्यका समस्या समाधानमा महासंघको वर्तमान टिम पूर्ण रुपमा प्रतिवद्ध रहेको पनि उनको भनाइ थियाे।

वस्तुुगत परिषद्का सभापति एवं उपाध्यक्ष हेमराज ढकालले वस्तुगत परिषद्ले नयां सोच र फरक ढंगले काम गर्न लागेको उनले जानकारी दिरे । महासंघका सवै सदस्य संघहरुसंग नजिकमा रहेर उनीहरुको कुरा सुुन्ने, इस्यूहरुमा छलफल गर्ने र आएको निचोडहरुलाई कार्यान्वयनका लागि सरकारमा पैरवी गर्ने राणनीति अनुसार काम भैरहेको उनले बताए ।ढकालले भने, ‘निर्यात, पर्यटन, कृषि, उर्जा लगायतका क्षेत्रलाई प्रवद्र्धन गर्न हाम्रो जोड रहने छ । कृषि उद्यम केन्द्रलाई डाटा बैंकको रुपमा विकास गर्ने काममा हामी आजैबाट लाग्छौं ।’

उपाध्यक्ष ज्योत्सना श्रेष्ठले कार्यक्रममा आएका सुुझाव अनुसार सहयोग गर्न महासंघ तयार रहेको विश्वास दिलाइन् । ‘हरेक क्षेत्रमा समस्या छ, कच्चा पदार्थमा सहजता छैन, दिइएका छुट सुुविधा हटाइएको छ, सहज होला भन्यो समस्या जहांको तही छ । सवै उद्यमी व्यवसायीहरुले समस्या भोग्नु परेको छ । यहांबाट जानकारीमा आएको इस्युहरुलाई सम्बन्धित निकायबाट संवोधन गराउन महासंघले सहयोग गर्छ । बजेट पनि हामीले सोंचे अनुसार आएन । मौद्रिक नीति पनि त्यस्तै रहयो ।’उनले भनिन्।