भिजी इम्पेक्स र एभरेष्ट बैंकबीच वित्तीय सम्झौता

जिडब्लुएमका कुनै पनि सवारीसाधन खरिद गर्न चाहने ग्राहकलाई सहज रिटेल फाइनान्सिङ अनुभव प्रदान गर्नेे उद्देश्यका साथ यो सहकार्य गरिएको भिजी इम्पेक्सले जनाएको छ । यसले कम्पनीले ग्राहकहरुलाई  प्रतिस्पर्धी ब्याजदरहरु, डाउन पेमेन्ट र कर्जा अवधिसहित विभिन्न प्याकेजहरु उपलब्ध गराउने लक्ष्य राखेको छ, जुन ग्राहकहरूले आफ्नो आवश्यकताहरूको आधारमा छनोट गर्न सक्छन् ।

 

एभरेष्ट बैंकले अधिकतम सात वर्षको अवधिका लागि उत्कृष्ट ब्याजदरसहितको अधिकतम ८० प्रतिशत ऋण उपलब्ध गराउनेछ । यस्तै, ती वर्षसम्मको कर्जा अवधिको लागि, न्यूनतम प्रभावकारी ब्याजदर १०.८० प्रतिशत रहनेछ ।