नेपाल एसबीआई बैंकको १५.७९ प्रतिशत लाभाशं पारित |
काठमाडौं । नेपाल एसबीआई बैंकको प्रस्तावित १५.७९ प्रतिशत लाभांश पारित भएको छ । सोमबार सम्पन्न बैंकको २५औँ वार्षिक साधारणसभाले सेयरधनीलाई सो मात्राको लाभांश दिने संचालक समितिको प्रस्तावलाई पारित गरेको हो ।
भद्रकाली स्थित त्रिभुवन आर्मी अफिसर्स क्लबमा सम्पन्न उक्त सभाले सेयरधनीलाई गत वर्षको नाफाबाट हालको चुक्ता पुँजीको ५ प्रतिशत बोनस र १०.७९ प्रतिशत नगद गरी सो मात्राको लाभांश पारित गरेको हो । हाल कम्पनीको चुक्ता पुँजी ८ अर्ब ४ करोड रुपैयाँ रहेको छ । ५ प्रतिशत बोनस वितरण पछि बैंकको चुक्ता पुँजी ८ अर्ब ४४ करोड रुपैयाँ नाघ्ने छ ।
बैंकले आर्थिक वर्ष २०७४⁄७५ मा २७६ करोड १७ लाख रुपैयाँ संचालन मुनाफा र २ अर्ब २ करोड ३५ लाख रुपैयाँ खुद मुनाफा हासिल गरेको छ ।
त्यस्तै, गत आइतबार (पुस २९ गते) सम्पन्न बैंक सञ्चालक समितिको बैठकले सञ्चालक पदमा अर्जुनकुमार गौतमलाई नियुक्त गरेको छ । साथै, सोही पदमा कार्यरत दीपक रौनियारले सोही मितिदेखि लागू हुने गरी उक्त पदबाट राजिनामा दिएका छन् ।
