जनता समाजवादी पार्टी स्थापना दिवसमा प्रचार विभाग प्रमुख बस्नेतले दिए शुभकामना
काठमाडौं । जनता समाजवादी पार्टी, नेपालका प्रचार विभाग प्रमुख पूर्ण बस्नेतले पार्टी स्थापना दिवसको अवसरमा शुभकामना व्यक्त गरेका छन् । पार्टी स्थापनाको तेस्रो वर्षगाँठमा उनले सामाजिक सञ्जालमार्फत शुभकामना दिएका हुन् ।
जनता समाजवादी पार्टी, नेपाल पछाडि परेका र पारिएका सम्पूर्ण जाति/समुदाय, क्षेत्र र वर्गका जनताको उत्थान र मुलुकको समृद्धिका लागि लोकतन्त्र, सामाजिक न्याय र समाजवादका शास्वत मूल्य र मान्यतालाई आत्मसात गर्ने पार्टी भएको बस्नेतले बताएका छन् ।
जनता समाजवादी पार्टी, नेपाल उत्पीडित समुदाय र श्रमजीवी वर्गको प्रतिनिधित्व गर्ने पार्टी हो । जसपा गणतन्त्र, संघीयता, समानुपातिक समावेशीता र धर्मनिरपेक्षता जस्ता मुलभूत सिद्दान्तप्रति प्रतिवद्ध रहेको पार्टी भएको बस्नेतले बताएका छन् ।
बस्नेतले पार्टीका नेता, कार्यकर्ता, समर्थक, शुभेच्छुक तथा सम्पूर्ण परिवर्तन र समृद्धिका पक्षधर सम्पूर्ण नेपालीहरुमा जनता समाजवादी पार्टी, नेपाल स्थापना दिवसको शुभकामना दिएका छन् ।
तत्कालिन समाजवादी पार्टी र राष्ट्रिय जनता पार्टी, नेपाल एकिकरण भएर २०७७ मा जनता समाजवादी पार्टी, नेपाल बनेको थियो ।
