रिडी पावरलाई ५० प्रतिशत हकप्रद जारी गर्न विद्युत नियमन आयोगको स्वीकृति

काठमाडौं । विद्युत नियमन आयोगले रिडी पावर कम्पनीको प्रस्तावित हकप्रद स्वीकृत गरेको छ । विद्युत नियमन आयोगले ३ चैतमा १ः०.५ को अनुपातमा हकप्रद सेयर जारी गर्न स्वीकृति दिएको पत्र पठाएको कम्पनीले जनाएको छ ।

हाल १ अर्ब ५४ करोड ८९ लाख रुपैयाँ चुक्ता पूँजी रहेको कम्पनीले ५० प्रतिशत हकप्रद सेयर मार्फत पूँजी बढाउन लागेको हो । १०० कित्ता सेयर रहेका सेयरधनीले ५० कित्ता सेयर पाउने गरी १००ः५० को अनुपातमा हकप्रद सेयर जारी गर्ने तयारी कम्पनीले गरेको छ ।

कम्पनीले विद्युत नियमन आयोगको स्वीकृतिसँगै उक्त प्रस्ताव साधारणसभामा लैजानेछ । साधारण सभाबाट पारित भएर नेपाल धितोपत्र बोर्डको स्वीकृतिपछि सर्वसाधारणलाई हकप्रद सेयर निष्कासन हुनेछ ।