सामसङ नेपालद्वारा नयाँ वर्ष लक्षित अफर सार्वजनिक
काठमाडौं । इलेक्ट्रोनिक्स ब्रान्ड सामसङले नयाँ वर्ष २०८० को अवसरमा ग्राहकहरुका लागि विशेष अफर सार्वजनिक गरेको छ । सामसङका विभिन्न इलेक्ट्रोनिक उत्पादनहरू टिभीदेखि होम अप्लायन्सहरूमा नयाँ वर्ष अफर घोषणा गरेको कम्पनीले जनाएको छ ।
यो अफर २०८० साल २ जेठसम्म लागू हुनेछ । यो अफर सामसङको लेटेस्ट रेन्जका टिभी, रेफ्रिजेरेटर र वासिङ मेसिनका लागि लागू हुनेछ । नयाँ वर्षको यो अफरमा सामसङले आफ्ना कन्जुमर ड्यूरेवल्स वस्तुहरूमा ४१ प्रतिशतसम्म क्यासब्याक दिएको छ।
कम्पनीका अनुसार सामसङको इनोभेटिभ साइडबाइ साइड रेफ्रिजेरेटरहरू अपग्रेड गर्न सक्नेछन् । जुन ७०० लिटर क्षमतासम्मको छ । यस्तै ३१४ लिटर क्षमताको कर्ड माइस्ट्रो टीएम वा डिजिटल इन्भर्टर डबल डोर र सिंगल डोर रेफ्रिजेरेटरहरू सबैका लागि उपलब्ध छन् । यसमा २५ प्रतिशतसम्म क्यासब्याक ग्यारेन्टी गरिएको कम्पनीले बताएको छ ।
