आईएमई पे र श्रीयोग कन्सल्टिङबीच सम्झौता |
काठमाडौं । आईएमई पे र श्रीयोग कन्सल्टिङ प्रालिबीच डिजिटल भुक्तानीसम्बन्धी सम्झौता भएको छ । सम्झौता अनुसार आईएमई पे श्रीयोग डटकमको डिजिटल भुक्तानी सेवा प्रदायक रहनेछ ।
श्रीयोग डट कमलाई डिजिटल भुक्तानी प्रक्रिया सहज गराउने उदेश्यका साथ यो सम्झौता गरिएको ‘आईएमई पे’ले जनाएको छ । श्रीयोग डट कमका दक्ष कामदारहरुले आफ्नो सेवा बमोजिमको भुक्तानी रोजगारदाताहरूबाट आईएमई पेको माध्यमबाट प्राप्त गर्न सक्नेछन् ।
८ फेब्रुअरीदेखि सञ्चालनमा आएको यो सम्झौता पश्चात आम सेवाग्राहीहरूलाई डिजिटल प्रविधिको प्रयोग गरी आर्थिक कारोबार गर्ने बानीको विकाश हुँदै जाने दुवै कम्पनीले विश्वास लिएका छन् ।
