कन्हैयाको गजल ‘अचानक’मा गजित विष्ट र अञ्जलीको अभिनय |

काठमाडौँ । गायक तथा संगीतकार कन्हैया सिंह परियारको नयाँ गजल गीत ‘अचानक’ सार्वजनिक भएको छ । वरिष्ठ गीतकार डा. कृष्ण हरि बरालका शब्द र सन्तोष श्रेष्ठको संगीत रहेको गीतमा राजु कार्कीको संगीत संयोजक छ । 

गजलको भिडियोमा गजित विष्ट र अञ्जली अधिकारीको अभिनय छ । सुबोल थापाको कोरियोग्राफी रहेको यो भिडियोको छायांकन बुद्ध थापाले गरेका छन् भने नवीन निरौला यसका सम्पादक हुन् ।

गम्भीर विष्टको निर्देशनमा तयार भएको भिडियोमा गायक परियारलाई पनि फिचर गरिएको छ । गजलको भिडियो कन्हैयासिंह परियारको युटुव च्यानलमा हेर्न सकिन्छ ।