नेपाली बजारमा सामसङको फोल्डेबल फोनको पुनरागमन, फोल्डेबल फोन खरिदमा आकर्षक अफर |
काठमाडौं । सामसङले लोकप्रिय टप–टायर फोल्डेबल फोन फेरि नेपाली बजारमा सार्वजनिक गरेको छ । लामो समयदेखि सामसङका फोल्डेबल फोन नेपाली बजारमा पाइन छाडेको थियो ।
कम्पनीले सासमङका ग्यालेक्सी जेड फ्लिप४ र ग्यालेक्स जेड फोल्ड ४ नेपाली बजारमा उपलब्ध गराएको हो ।
फोल्डेबल फोनसँगै कम्पनीले विभिन्न अफरहरु पनि सार्वजनिक गरेको छ । ग्यालेक्स जेड फोल्ड४ खरिद गर्दा त्यसमा १० हजार रुपैयाँ थप गरेमा ४९ हजार रुपैयाँ मूल्य पर्ने नयाँ ४६ मिमिको ग्यालेक्सी वाच४ क्लासिक पनि प्राप्त गर्न सकिने कम्पनीले बताएको छ । जसबाट ग्राहकलाई ३९ हजार रुपैयाँ बचत हुन गई अत्यधिक लाभ हुनेछ ।
यसैगरी अर्को आकर्षक अफर अन्तर्गत ग्यालेक्सी जेड फ्लिप४ खरिद गर्दा त्यसमा ५ हजार रुपैयाँ थप गरेमा २७ हजार ९९९ रुपैयाँ मूल्य पर्ने ग्यालेक्सी बड्स२ प्रो अफरमा पाउने कम्पनीले बताएको छ । जसबाट ग्राहकलाई २२ हजार ९९९ रुपैयाँ बचत गर्न सकिने छ ।
जेड सिरिजले बजारमा उपलब्ध गराएका फोनहरुमा मुख्य फोल्डेबल फोन बनेर पहिले नै एक क्रान्तिकारी अवधारणा स्थापित गरिसकेको र यो अफर खास गरेर प्रेमिल महिनाको रुपमा चर्चित फेब्रुअरीलाई लक्षित गरेर प्रदान गरिएको कम्पनीले जनाएको छ ।
यो अफर फेब्रुअरी महिनाको २८ तारिखसम्म लागु हुनेछ ।
