विजय लघुवित्तको लाभांश घोषणा |
काठमाडौं । विजय लघुवित्त वित्तीय संस्था लिमिटेडले गत आर्थिक वर्षको मुनाफाबाट शेयरधनीहरुलाई वितरण गर्ने लाभांश घोषणा गरेको छ।
लघुवित्तले हाल कायम चुक्ता पूँजीको २१.०५२६ प्रतिशत लाभांश वितरण गर्ने घोषणा गरेको हो। सोमध्ये २० प्रतिशत बोनस शेयर रहेको छ भने १.०५२६ प्रतिशत नगद लाभांश रहेको छ।
माघ १० गते बसेको लघुवित्तको सञ्चालक समितिको बैठकले सो दरमा लाभांश वितरण गर्ने निर्णय गरेको हो।
नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ ।
