सौरभ ज्योतिको नयाँ गीत ‘मेरो देश’ सार्वजनिक |
काठमाडौं । व्यावसायिक व्यक्तित्व र ज्योति ग्रुप अफ कम्पनीका निर्देशकको रूपमा परिचित सौरभ ज्योतिको नयाँ गीत ‘मेरो देश’ सार्वजनिक भएको छ । सङ्गीतमा गहिरो रुचि राख्ने उनको उक्त नयाँ गीत शुक्रबार बजारमा रिलिज भएको हो ।
उक्त गीतमार्फत उनले आफ्नो देश र ग्राहकहरूप्रति माया दर्शाउन खोजिरहेका छन् । गीतको निर्माण उनले नै गरेका हुन् भने गायन पनि ज्योतिकै रहेको छ ।
ज्योति ग्रुप ५० वर्षभन्दा बढी समयदेखि राष्ट्रिय विकासका लागि काम गर्दै पहिलो स्टिल प्लान्ट–हिमाल आइरन , पहिलो अक्सिजन प्लान्ट–हिमाल अक्सिजन र पहिलो वाएर प्लान्ट–हिमाल वाएर्स, स्थापना गरी देशमा योगदान पु-याएको छ । ज्योति ग्रुपले उत्पादन, व्यापार, सेवा र लगानीलगायतको क्षेत्रमा योगदान पुर्याउँदै आएको छ ।
