शेयर कारोबार आजदेखि नै अनलाइनमा | ब्रोकर र लगानीकर्ताबीच हुने सम्झौताको मस्यौदामा पनि भयो सहमति
काठमाडौं । आजदेखि शेयर कारोबार अनलाइनबाटै हुने भएको छ । नेपाल स्टक एक्सचेञ्ज लिमिटेड (नेप्से) ले अनलाइन शेयर कारोबारका लागि आवश्यक सबै प्राविधिक तयारी सम्पन्न गरेर आजबाटै अनलाइन शेयर कारोबार शुरू गर्न लागेको हो ।
नेप्सेले अनलाइन शेयर कारोबारमा लगानीकर्ता र ब्रोकरले गरेका गुनासाहरूको सम्बोधन गरिसकेको बताउँदै अन लाइन कारोबार शुरू गर्न ब्रोकर र लगानीकर्ताबीच हुने सम्झौताको मस्यौदामा समेत सहमति भइसकेको जानकारी दिएको छ । शेयर कारोबार अनलाइनबाटै सम्भव हुने भए पनि कारोबारबापतको भुक्तानी तथा नगद प्राप्तिका लागि भने चेक नै उपयोग गर्नुपर्ने नेप्सेले बताएको छ ।
