पाँचौं सेञ्चुरी सुपर सिक्स मंसिर १० गतेदेखि हुँदे | २४ कर्पोरेट हाउस सहभागी हुने, ट्रफी, जर्सि र टाइसिट सार्वजनिक
काठमाडौं । पाँचौं सेन्चुरी बैंक कर्पोरेट सुपर सिक्स मंसिर १० गतेदेखि काठमाडौंमा शुरू हुने भएको छ । ६ दिनसम्म हुने उक्त प्रतियोगिताका सम्पूर्ण खेलहरू कीर्तिपुरस्थित त्रिवि क्रिकेट मैदानमा हुने आयोजकले बताएका छन् ।
बैंकले बिहीवार दिएको जानकारीअनुसार प्रतियोगितामा २४ कर्पोरेट हाउस सहभागी हुनेछन् । सहभागी टिमलाई ८ समूहमा विभाजन गरी उत्कृष्ट दुई टिम दुई क्वार्टर फाइनलमा प्रवेश गर्नेछन् । यसैबीच, प्रतियोगिताको ट्रफी, जर्सि र टाइसिट पनि सार्वजनिक गरिएको थियो ।
उक्त कार्यक्रममा आयोजक एसएस इभेन्ट्स प्रालिका प्रमुख कार्यकारी अधिकृत रमन शिवाकोटी र बैंकका प्रमुख कार्यकारी अधिकृत जीवन भट्टराईका साथै बजार प्रमुख अधिकृत रन्जन खड्काको उपस्थिति रहेको थियो ।
