अब कपिल शर्माको टीभी शो सलमान खानले प्रोड्युस गर्ने |
आफ्नो टिम बिचको आपसी बिवादले लामो समय देखी बन्द भएको कपिल शर्माको कमेडी शो फेरी शुरु हुने भएको छ । अब भने यो शो लाई बलिउड अभिनेता सलमान खानले प्रोड्युस गर्ने भएका छन् । अर्थात यो शो का प्रोड्युसर अब सलमान खान हुने छन् ।
पुरानो समाचार अनुसार नोभेम्बरको पहिलो हप्ताबाट यो शो प्रशारण हुने बताईएको थियो । तर प्रोष्टप्रोडक्सनको काम र कपिल शर्माको बिवाहले गर्दा केही पछाडी सरेको छ । अब यो शो को पहिलो सुटिङ्ग १६ नोभेम्बरमा मात्रै हुने छ । भने प्रशारणको मिती भने तय भइसकेको छैन ।
यो शो को पहिलो भागमा प्रोड्युसर सलमान खान आफै अतिथि बनेर आउने भएका छन् । पछिल्लो केही समय यता कपिल र सलमानको बिग्रीएको सम्बन्धलाई यो शोले अन्त्य गरेको बताईएको छ ।
सलमान र कपिल बिच मनमुटाव भएपछि सलमान आफ्नो फिल्म ट्युबलाईको प्रचार प्रसार गर्न कपिल शर्माको शोमा गएका थिएनन् । उनले कपिलका प्रतिद्धन्दी सुनिल ग्रोबरलाई लिएर प्रचार प्रसारमा हिंडेका थिए ।
