घान्द्रुकमा ज्योति विकास बैंकको एटीएम सञ्चालन |
कास्की । ज्योति विकास बैंकले पर्यटकीय स्थल घान्द्रुकमा पहिलो एटीएम सेवा सञ्चालनमा ल्याएको छ ।
सेवालाई छिटो, छरितो र सहज बनाउने उद्देश्यले घान्द्रुक शाखा कार्यालय रहेको स्थानमा एटीएम सञ्चालनमा ल्याइएको बैंकले जनाएको छ ।
आज भएको कार्यक्रममा अन्नपूर्ण गाउँपालिका–१० का वडा अध्यक्ष कुमार गुरूङले एटीएम बुथको उद्घाटन गरे ।
कार्यक्रममा ज्योति विकास बैंकका तर्फबाट प्रमुख मार्केटिङ अधिकृत बलदेव थापा, पोखरा क्षेत्रीय प्रमुख विशाल लामिछाने, मानव संशाधन प्रमुख प्रजिता जोशी, घान्द्रुक शाखा प्रबन्धक प्रदिप सुनाम, कर्मचारीहरू, ग्राहकवर्ग तथा स्थानीय व्यवसायीहरूको पनि उपस्थिति थियो।
साथै बैंकले हालसालै बैंकिङ्ग पहुँचलाई थप विस्तार गर्दै इलाम, कञ्चनबारी, लहान र कटारीमा नयाँ शाखा विस्तार गरेको छ ।
