डोल्पामा जीप दुर्घटना हुँदा १० जनाको मृत्यु |
डोल्पा । डोल्पामा जीप दुर्घटना हुँदा १० जनाको मृत्यु भएको खबर आएको छ । उक्त दुर्घटनामा दुई जनाको जीवितै उद्दार गरिएको छ । सदरमुकाम दुनैबाट जुफालतर्फ जाँदै गरेको भे १ च १६१० नम्बरको जीप ठूलीभेरी नगरपालिका ९ कालागौडाबाट भेरी नदीमा खस्दा १० जनाको मृत्यु भएको डाल्पाका प्रहरी प्रमुख डीएसपी अवदेश विष्टले बताए ।
घटनामा उद्दार गरिएकाहरूको दुनै अस्पतालमा उपचार भइरहेको छ । कसरी दुर्घटना भयो भन्ने बारे अनुसन्धान भइरहेको छ ।
