रियलमीद्धारा रियलमी जिटी २ सिरीज शुरु गर्ने घोषणा |
काठमाडौं । संसारमा सबैभन्दा छिटो अघि बढिरहेको स्मार्टफोन ब्रान्ड रियलमीले मोवाइल वल्र्ड कंग्रेस (MWC) २०२२मा रियलमी जिटी २ सिरीज सार्वजनिक गर्ने घोषणा गरेको छ । गत महिनाको शुरुमा चीनमा सार्वजनिक गरिएको यो सिरीज क्वालकम स्नापड्रागन 8 Gen 1चिपसेटद्धारा सञ्चालित पहिलो स्मार्टफोनहरुमध्ये एक हो । रियलमी जिटी २ प्रो युरोपको बजारमा स्नापड्रागन 8 Gen 1 ले सुसज्जित पहिलो स्मार्टफोन हुनेछ ।
अहिलेसम्मको सबैभन्दा प्रिमियम फ्लागशिप लाइन–अपको रुपमा रियलमीले विश्वभरका लाखौँ प्रयोगकताहरुको लागि टेक्नोलोजीहरु ल्याउने, उच्च बजारमा प्रवेश गर्ने र उच्च प्राविधिक नविनतममा अग्रपङ्क्तिमा रहने लक्ष्य राखेको छ । रियलमीका प्रमुख कार्यकारी अधिकृत स्काइ लीले भन्नुभयो “विश्वभरका प्रयोगकर्ताहरुलाई नयाँ र रोमाञ्चक कुराहरु प्रदान गर्न सधैँ राम्रो महसुस गरेका छौँ । रियलमी जिटी २ प्रो ले सम्पूर्ण कुरालाई उच्च स्तरमा ल्याएको छ ।”
रियलमीका ईण्डियाका प्रमुख कार्यकारी अधिकृत, रियलमीका उपाध्यक्ष तथा रियलमी ईन्टरनेशनल बिजनेश ग्रुपका अध्यक्ष माधव शेठले भन्नुभयो “हामी अझ ठूलो साहस र आकाङ्क्षाकका साथ सन् २०२२ मा प्रवेश गरेका छौँ । रियलमी जिटी २ सिरीजले नवप्रवर्तनको अग्रपङ्क्तिमा रहने हाम्रो दृष्टिकोणलाई मूर्तरुप दिनेछ । हाम्रा प्रयोगकर्ताहरुलाई व्यापक प्रिमियम ब्रान्डका अनुभव प्रदान गर्ने शिलसिलामा प्रविधिको नवीनतामा यो घोषणा हाम्रो गो–प्रिमियम रणनितिलाई प्रतिनिधित्व गर्नेछ । गो–प्रिमियम रणनितिद्धाराप्रिमियम सेगमेन्टमा, आफ्नो उत्कृष्ट तथा नवीनतम प्रयोगको रेकर्ड तोड्नेछ ।”
तीन वर्षमा १० करोड युनिट विक्री गर्दै रियलमी विश्वव्यापी रुपमै शीर्ष ८ स्मार्टफोन ब्रान्डहरुमा परेको छ । उच्च प्रविधि र डिजाइनमा नवीनता रियलमीको छिटो वृद्धिको आधार बनेको छ । रियलमी जिटी २ प्रो मा तीन विशेषताहरु बायो–पोलिमर ब्याककभर, १५० डिग्री अल्ट्रा वाइड क्यामेरा र ईनोभेसन फरवार्ड कम्युनिकेशन समावेश छ जसले विश्वव्यापी रुपमा सबै स्मार्टफोन प्रयोगकर्ताहरुलाई अद्भुत अनुभव प्रदान गर्नेछ ।