नेपाली पात्रोको प्रमुख कार्यकारी अधिकृतमा देवकोटा नियुक्त |
काठमाडौं । नेपाली पात्रोको प्रमुख कार्यकारी अधिकृतमा सन्तोष कुमार देवकोटा नियुक्त भएका छन्।
देवकोटा यही फेब्रुअरी १३ तारिख २०२२ ‘विश्व रेडियो दिवस’का दिन ‘नेपाली पात्रो’ को प्रमुख कार्यकारी अधिकृत पदमा नियुक्त भएका हुन्।
उनी वीरगञ्जबाट प्रकाशित हुने ‘सार्थक साप्ताहिक’बाट सञ्चार जगतमा प्रवेश गरेका हुन्।
नेपालको पहिलो मोबाइल एप नेपाली पात्रोको कार्यकारी अधिकृतमा नियुक्त देवकोटाको विद्युतीय सञ्चारको लामो अनुभव रहेको छ।
रेडियोको अग्रणी संस्था ‘इक्वल एक्सेस नेपाल’मा रेडियो नेटवर्क व्यवस्थापन तथा रेडियो कभरेज नक्सांकन विज्ञको रुपमा देवकोटा पछिल्लो एक दशकदेखि डिजिटल मेडिया तथा कम्यूनिटि प्लाटफर्म विज्ञको रुपमा काम गर्दै आएका छन्।
