नाडेप लघुवित्तले शतप्रतिशत हकप्रद शेयर निष्काशन गर्ने |
काठमाडौं । नाडेप लघुवित्तले शतप्रतिशत हकप्रद शेयर निष्काशन गर्ने भएको छ । केहि महिना अघि मात्रै ४ करोड ८० लाख रुपैयाँ बराबरको साधारण शेयर जारी गरेको नाडेपले १६ लाख कित्ता हकप्रद निष्काशनको अनुमति धितोपत्र बोर्डबाट पाएको हो ।
हकप्रद शेयर विक्री प्रबन्धकमा नबिल इन्भेष्टमेन्ट बैंकिङ्ग रहेको छ । लघुवित्तको गत भदौ १ गते सम्पन्न तेश्रो बार्षिक साधारण सभाले शतप्रतिशत हकप्रद जारी गर्ने प्रस्ताव पारित गरेको थियो ।
११ करोड २० लाख पूँजी रहेको लघुवित्तले असार १० गतेदेखि ४ करोड ८० लाख रुपैयाँ बराबरको साधारण शेयर जारी गरेर १६ करोड रुपैयाँ चुक्ता पूँजी कायम गरेको थियो ।
शतप्रतिशत हकप्रद निष्काशन पछि लघुवित्तको चुक्ता पूँजी ३२ करोड रुपैयाँ पुग्नेछ ।
