लुम्बिनी विकास बैंकले खुद नाफा ३४.३१% ले बढ्यो |
काठमाडौं । चालु आर्थिक वर्षको दोस्रो त्रैमाससम्म आइपुग्दा लुम्बिनी विकास बैंकको नाफा ३४.३१% ले बढेर ३५ करोड १७ लाख ४४ हजार रुपैयाँ पुगेको छ । गत वर्ष यसैअवधिमा यसले २६ करोड १८ लाख रुपैयाँ खुद नाफा कमाएको थियो । यसअवधिमा बैंकको खुद ब्याज आम्दानी र सञ्चालन नाफा दुवै बढेको छ ।
खुद ब्याज आम्दानी ३५.३३% ले बढेर ७२ करोड ७४ लाख रुपैयाँ पुगेको छ । गत वर्षको यसैअवधिमा यसले ५३ करोड ७५ लाख रुपैयाँ खुद ब्याज आम्दानी कमाएको थियो । सञ्चालन नाफा ४१.५८% ले बढेर ५१ करोड ४० लाख रुपैयाँ पुगेको छ । गत वर्षको यसैअवधिमा बैंकको सञ्चालन नाफा ३६ करोड ३० लाख रुपैयाँ थियो ।
पुस मसान्तसम्म आइपुग्दा वितरणयोग्य नाफा २४ करोड ९४ लाख रुपैयाँ छ । प्रतिसेयर आम्दानी ३ रुपैयाँ ४ पैसाले बढेर २१ रुपैयाँ ४२ पैसा (बार्षिक) पुगेको छ । प्रतिसेयर नेटवर्थ १६८ रुपैयाँ ६८ पैसा छ ।
