लैनचौरमा मोटरसाइकल र माइक्रोबस ठोक्किदा १ को मृत्यु |
काठमाडौं । काठमाडौंको लैनचौरस्थित खानी विभाग अगाडिको सडकमा माइक्रोबस र मोटरसाइकल एक आपसमा ठोक्किएका छन् । उक्त सडक दुर्घटनामा एक जनाको मृत्यु भएको छ ।
मंगलबार बिहान ६ बजे बा २ ख २०६८ नम्बरको माइक्रो बस र बा ६४ प ९२८४ नम्बरको मोटरसाइकल आपसमा ठोक्किँदा मोटरसाइकल चालक नवाकोट बस्ने अन्दाजी ३० वर्षीय प्रकाश तामाङको मृत्यु भएको हो ।
दुर्घटनामा गम्भीर घाइते तामाङको ट्रमा सेन्टरमा उपचारको क्रममा मृत्यु भएको ट्राफिक प्रहरी महाशाखाले जानकारी दिएको छ । दुर्घटनामा मोटरसाइकल पछाडि सवार सोह्रखुट्टे बस्ने सुरज थापा घाइते छन् । उनको पनि ट्रमा सेन्टरमा नै उपचार भइरहेको छ ।
दुर्घटनामा संलग्न सवारी साधनसहित माइक्रो चालकलाई महानगरीय प्रहरी वृत दरबारमार्गले नियन्त्रणमा लिएको छ ।
