पुस ७, २०७८

शेयरधनीलाई लाभांश वितरण गर्न सिभिल बैंक देखियो सबैभन्दा कमजोर, नबिल बैंक सबैभन्दा अगाडि |

काठमाडौं । नेपाल स्टक एक्सचेञ्जमा सूचीकृत २६ वटै वाणिज्य बैंकले गत आर्थिक वर्षको कमाइबाट आफ्ना शेयरधनीहरुलाई वितरण गर्ने लाभांश घोषणा गरेका छन्। बैंकहरुले न्युनतम ५ प्रतिशतदेखि ३८ प्रतिशतसम्म लाभांश वितरण गर्ने घोषणा गरेका छन्।

२६ वटा वाणिज्य बैंकमा सिभिल बैंक लाभांश वितरणमा सबैभन्दा कमजोर देखिएको छ। २६ बैंकमा नबिल बैंकले सबैभन्दा धेरै ३८ प्रतिशत लाभांश वितरण गर्दा सिभिल बैंकले सबैभन्दा कम ५.२६ प्रतिशत लाभांश वितरण गरेको छ। यो बैंकिङ्ग क्षेत्रकै सबैभन्दा कम लाभांश हो।

गत वर्ष बैंकहरुले औषतमा १४.३३ प्रतिशत लाभांश वितरण गर्ने घोषणा गरेका छन्। यो गत बर्षको भन्दा धेरै हो। गत आर्थिक वर्षमा बैंकहरुले औसतमा १३.६१ प्रतिशत लाभांश वितरण गरेका थिए।

गत वर्षको कमाइबाट बैंकहरुले औसतमा १२.१३ प्रतिशत बोनस शेयर र २.१९ प्रतिशत नगद लाभांश वितरण गर्ने घोषणा गरेका छन्। नबिल बैंकले सबैभन्दा धेरै ३३.६० प्रतिशत बोनस वितरण गर्ने घोषणा गरेको छ भने एसबिआई बैंकको सबैभन्दा कम ३.५० प्रतिशत छ। यस्तै नगद लाभांशमा हिमालयन बैंकको सबैभन्दा धेरै ४.६२ प्रतिशत घोषणा गरेको छ भने सिभिल बैंकको सबैभन्दा कम ०.२६ प्रतिशत छ।

बैंक	बोनस सेयर %	नगद लाभांश %	कुल लाभांश %	बैंक	बोनस सेयर %	नगद लाभांश %	कुल लाभांश %
नबिल	33.6	4.4	38	माछापुछ्रे	13.3	0.7	14
हिमालयन	21.38	4.62	26	ग्लोबल आइएमइ बैंक	10	3.5	13.5
कृषि विकास	20	1.0526	21.0526	स्ट्यान्डर्ड चार्टर्ड	10	3.06	13.06
सानिमा	17	0.8947	17.8947	प्रभु	12	0.63	12.63
नेपाल बैंक	14	3	17	मेगा	10	2.07	12.07
प्राइम कमर्सियल	16	0.6313	16.6313	लक्ष्मी	8	3.5	11.5
नेपाल इन्भेष्टमेन्ट	12.611	3.389	16	एभरेष्ट	6	4.32	10.32
सिटिजन्स	12.913	3.087	16	कुमारी	6	2.67	8.67
एनएमबि	12.5	3.3	15.8	एनसीसी	8	0.42	8.42
एनआइसी एसिया	15	0.7895	15.7895	सनराइज	6.65	0.35	7
नेपाल बंगलादेश बैंक	12	3.5	15.5	सञ्चुरी	5.75	0.3	6.05
सिद्धार्थ	14.25	0.75	15	नेपाल एसबीआइ	3.5	1.81	5.31
बैंक अफ काठमाण्डू	10	4	14	सिभिल	5	0.26	5.26