रियालिटी शो ‘नेपाल्स सिङ्गिङ सुपरस्टार’ हुने, विजेतालाई २५ लाख पुरस्कार |
काठमाडौं । ‘नेपाल्स सिङ्गिङ सुपरस्टार’ रियालिटी शो हुने भएको छ । भ्वाइस स्टार नेपाल प्रा.लीले निर्माण गर्ने ‘नेपाल्स सिङ्गिङ सुपरस्टार’मा संगीतिक क्षेत्रमा संघर्षरत गायक गायिका तथा नयाँ प्रतिभालाई स्थान दिइने छ ।
शोका लागि पहिलो चरणमा डिजिटल अडिसनबाट प्रतिष्पर्धीहरुको छनोट गरिनेछ । डिजिटल अडिसन पुसको पहिलो साताबाट खुला हुनेछ । डिजिटल अडिसनबाट छानिएका प्रतिभालाई फिजिकल अडिसनमा सामेल गराइनेछ ।
२५ श्रृखलासम्म चल्ने प्रतिष्पर्धामा विजयी हुने प्रतियोगीले २५ लाख नगद पाउनेछन् । विजेतको घोषणा दर्शकले दिएको भोटका आधारमा हुने आयोजकले जारी गरेको विज्ञप्तिमा उल्लेख छ ।
शो च्यानलबाट प्रशारण हुने भ्वाइस स्टार नेपालका क्रियटिभ डाइरेक्टर रवि श्रेष्ठले जानकारी दिएका छन् ।
