गुल्मीमा जीप दुर्घटना हुँदा २ जनाको मृत्यु |
गुल्मी । बागलुङको हटियाबाट गुल्मीको चन्द्रकोटतर्फ आउँदै गरेको जीप दुर्घटना हुँदा २ जनाको मृत्यु भएको छ । लु १ ज २१८१ नम्बरको जीप चन्द्रकोट गाउँपालिका–२, बिसुखर्कको गरगरेमा दुर्घटना भएको हो ।
जिल्ला प्रहरी कार्यालय, गुल्मीले दुर्घटनाको पुष्टि गर्दै चन्द्रकोट गाउँपालिका २ का ३५ वर्षीय लालबहादुर गुरुङ र ५२ वर्षीय भरत गुरुङको मृत्यु भएको जानकारी दिएको छ ।
जीपमा कति सवार थिए र के कारणले दुर्घटना भयो भन्ने खुलेको छैन । प्रहरीले घटनाबारे विस्तृत विवरण आउन बाँकी रहेको जनाएको छ ।
