एचएच बजाज भरतपुरको चितवनमा नयाँ शोरुम |
काठमाडौं । नेपालमा सबैभन्दा धेरै विक्री हुने अटोमोबाइल ब्राण्ड मध्येको एक बजाज मोटरसाइकलले भरतपुरको चितवनमा नयाँ शोरुम बिस्तार गरेको छ । एचएचबजाजले आफ्नो शाखालाई थपबढाउँदै पूर्ण सुविधासहितको नयाँशोरुम ʽएन के मोटर्सʼ चितवनको हाकिम चोकमा संचालनमा ल्याएको छ । बजाज मोटरसाइकलको नेपालका लागि आधिकारिक विक्रेता हंशराज हुलासचन्द एण्ड कम्पनी प्राइभेट लिमिटेड हो ।
नयाँ शोरुमले ग्राहकहरुलाई बाइकको स्पेयर पार्टस तथा एसेसरिज खरिदका लागि सहज बनाउनेछ । एचएच बजाजले आफ्ना ग्राहकहरु लाई छिटो र सर्वशुलभ सेवा दिन प्रयास गरि रहेको जानकारी दिएको छ ।
हंशराज हुलासचन्द एण्ड कम्पनी प्राइभेट लिमिटेडका जेनेरल म्यनाजेर योगेन गुरुङले भने, ʽनयाँ शोरुम संचालनमा भएको घोषणा गर्न पाँउदा निकै खुशी लागेको छ । ग्राहकहरुको बढ्दो मागका कारण एचएच बजाजलाई चितवनमा नयाँ शोरुम स्थापनागर्न उत्साहित बनाएको हो ।ʼ नयाँ शोरुमको शुभारम्भसँगै, शोरुमले ग्राहकहरुका लागि आकर्षक पुरस्कारहरु पनि प्रदान गर्ने जानकारी दिएको छ ।
