सीजी इलोक्ट्रोनिक्सको नयाँ शोरुम भक्तपुरको राधे राधेमा | हरेक सामानमा ३० प्रतिशतसम्म छुट
भक्तपुर । चौधरी ग्रुप अन्तरगतको सिजी इलोक्ट्रोनिक्सले आफ्नो १२ औं शोरुम भक्तपुरको राधे राधेमा सञ्चालनमा ल्याएको छ । शोरुम उद्घाटन गर्दै सिजी ग्रुपका निर्देशक निर्माण चौधरीले भने, ‘उपभोक्तको आवश्यकतालाई ध्यानमा राख्दै, भाट–भाटेनी जस्ता ठुला–ठुला सुपर मार्केटहरु र अन्य कम्पनीका शोरुम खुलेका कारण अवको १ वर्षपछि भक्तपुरको यो राधेराधे क्षेत्र ठूला–ठूला सुपर मार्केट भएको क्षेत्रमा परिणत हुन्छ ।’
यसका कारण पनि चौधरी ग्रुपको नयाँ शोरुम भक्तपुरमा खोलेको र अव अर्को शोरुम भने काठमांडौ भ्यालि भन्दा बाहिर छिट्टै खोल्ने उनले बताए । उक्त शोरुममा सिजी ग्रुपका आफ्ना ब्राण्डका मात्र नभएर अन्य ब्राण्डका इलोक्टोनिक्स सामाग्रीहरु राखिने निर्देशक चौधरीले जानकारी दिए ।
उनले भने, ‘हामी चाहन्छौ कि हाम्रो ब्राण्ड मात्र होईन अरु दोस्रो तेस्रो बाण्ड पनि आएर यहाँ आफ्नो प्रोडक्टहरु बिक्री गर्न सक्नु होेस ।’ चौधरी ग्रुपका प्रोडक्टको मार्केटमा ४० प्रतिशतभन्दा माथि हिस्सा रहेको सिजी चौधरीको दावी रहेको छ ।
आउदै गरेको नेपालीहरुको महानचाड दशंैलाई लक्षित गर्दै चौधरी ग्रुपले आफ्ना उत्पादनमा विषेश अफरका साथमा हरेक इलोक्टोनिक्स सामाग्री खरिद गर्दा ३० प्रतिशतसम्म छुटसँगै गिफ्ट ह्याम्पर पनि अफरमा राखेका उनले बताए ।
